«Жеті қарақшы»: ең батыл әрі қымбат эксперимент

Ғалия Байжанова, киносыншы, арнайы «Власть» үшін Осы күздегі ең көп күткен фильмнің бірі деуге болатын Қуаныш Бейсектің «Жеті қарақшы» тарихи экшені Қазақстан прокатына шықты. Үлкен аудиторияны қамтуды көздеген және Қазақстан тарихындағы ең ауыр оқиға — Семей ядролық полигоны қасіретін сөз ете отырып, жанрларға батыл эксперимент жасаған фильм. Авторлар оқиғаны үйреншікті тарихи драма тілімен емес, комикс, экшен, поп-мәдениет және балама тарих көмегімен жеткізуді шешіпті.